Tîr-i Gam-ı Nigâ

Tîr-i gam-ı nigâr ile ten yara yaradur

Şemşîr-i cevr-i yâr ile dil pâre pâredür

Öykünse haddüñe ne gam ey âfıtâb-ı hüsn

Mâh-ı sipihr kemdür o ne yüzi karadur

Hâlüñ hayâli hâtır-ı agyârı kıldı cây

Gûyâ karañu gicede rûşen sitâredür

Eş’ârum içre vasf-ı leb-i yâr gûyiyâ

Âb-ı zülâl içinde yatur la’l-pâredür

Çeşm-i hakâret ile nazar kılma dûstum

‘Uşşâk-ı haste-hâli de Allâh yaradur

Bâkî derûnum âteşinüñ dûdıdur felek

Mihr-i sipihr âhum odından şirâredür