Olsa Zülfi O Gül-iizâra Nikâb

Olsa zülfi o gül-’izâra nikâb

Olur âşüfte sünbül-i sîr-âb

Dûd-ı âhum ruhuñ hevâsıyla

Ebr olur yagdurur cihâna gül-âb

Kân-ı mihr ü mahabbetüñdendür

Güher-i âfitâb-ı ‘âlem-tâb

Kaddüm ey şeh-süvâr-ı hüsn itdi

Pây-bûsuñ hayâli şekl-i rikâb

Oldı deryâ-yı eşküme nisbet

Günbed-i çarh-ı nîl-reng habâb

Gam-ı devrân-ı dûnı çekme yüri

Bâkıyâ ol hemîşe mest ü harâb