Nihâl-i Kâmetüñ Hakkâ

Nihâl-i kâmetüñ hakkâ ‘aceb nahl-i dil-ârâdur

Egerçi kaddüñ a’lâ kâkülüñ a’lâdan a’lâdur

Çerâg-ı hüsnüñüñ nûrı fürûg-ı şem’-i kâfûrî

Nigâr-ı ‘anberîn-gîsû nihâl-i sîm-sîmâdur

Beyâz-ı safha-i ruhsâruñ üzre zülf-i pür-çînüñ

Misâlin görmemişdür kimse bir tugrâ-yı garrâdur

Gedâ-yı bî-ser ü pâyı semend-i nâza çignetme

İñende hüsne magrûr olma sultânum bu dünyâdur

Kenâr-ı bahr-i nazma yine dürler dizmiş ey Bâkî

Sütûr-ı defter-i şi’rüñ meger emvâc-ı deryâdur