Kaddüñ Katında
Boyut
Kaddüñ katında kâmet-i şimşâd pest olur
Zülfüñ yanında revnak-ı ‘anber şikest olur
Tâb-ı ruhuñla la’lün añan ‘aklın aldurur
Şevk ile içse kişi meyi katı mest olur
Reftâra gelse kâmet-i ‘ar ‘ar-hırâm ile
Bâlâ-yı yâre serv-i çemen zîr-dest olur
Zinhâr eline âyine virmeñ o kâfirüñ
Zîrâ görince sûretini büt-perest olur
Bâkî çeker mi bâde-i engûr minnetin
Her kim ki mest-i cür’a-i câm-ı Elest olur